Kreim Media Center  

شبكة برامج صوت المحبة
شبكة برامج تلفزيون المحبة

النشاطات والرحلات الروزنامة الليتورجية المجلة الالكترونية التذكارات فريق العمل إتصل بنا

12 تشرين الأول

الجمعة من الأسبوع الرابع بعد عيد الصليب
الشهداء تراخوص (إدنا) ورفيقيه، بروبوس واندرونيكسُ



كل راس في حكمة

بيخبّرو عن سليمان الملك الحكيم، إنّو بيوم من الإيام كان عَم يمشي بحديقة القصر بيلتقي بنملة بيحمِلها على إيدو وبيسألها: «قدَّيش بتاكلي بالسنة»؟ جاوبت النملة: «سِتّ حبّات من القمح». أخدها وحطّها بعلبة وحَطّ معها ستّ حبّات من القمح. بعد سنة إجا سليمان الحكيم ليتفقّد النملة، تطلّع فيها، شاف إنها أكلِت تلات حبّات بسّ، فسألها: «ليش تصرفتي هالتصرّف؟ وليش صار هيك»؟ جاوبتو: «لـمّا كنت حرّة كنت أعرف إنّو الله ما بينساني، دايمًا بيعطيني غذاء قدر احتياجي وأكتر، بسّ من بعد ما حَبَستني بهالعلبة خفت تنساني فوفّرت أكل للسنة اللي جايي».
الزوّادة بتقلّي وبتقلّك
يا ريت نحنا منتذكّر اليوم وكل يوم إنّو الله ما بينسانا، يسوع قال: «حتى الشَعر يلّي براسكُن معدود»! كيف فيكُن تخافو أو تعتلو هَمّ وعِنّا ربّ عطانا إبنو تَ يخلّصنا؟ اتّكلو عليه وهوّي بيدبّر كلّ أموركن بهالدني وبالآخرة، والله معكن.







© 2018 Kreim Media Center | All rights reserved